هاجم مجدى عبد الغنى عضو الجبلاية الأسبق، أحمد حسام ميدو نجم الكرة المصرية السابق من جديد، هجوم ضار.
وقال عبد الغنى خلال تصريحاته: "على ميدو التركيز فى حياته بلاش يتكلم فى حاجة مش فاهمها عايز يبقى مدرب ولا مقدم برامج ولا رجل أعمال ولا عضو فى نادى مش عارف هو عايز ايه".
وتابع: "ميدو درب الإسماعيلي معملش حاجة مع الزمالك معملش حاجة ومصر المقاصة نفس الأمر وقالك هوصل بيهم كأس عالم للأندية وفشل فشلا ذريعا ومشى ومعملش أي شيء يذكر".
وأضاف: ""ميدو محتاج يركز شوية هو عاوز إيه عنده حالة من التشتيت الفكري ومش سامع غيره نفسه ومحتاج حد يديله النصيحة ويوعيه أنه يرتب حياته العملية بشكل صحيح".
وواصل: "ياريت يا ميدو تروح تقعد فى الجونة شوية مع نفسك وتعيد حساباتك من جديد علشان تطلع بحاجة صح فى حياتك العملية".
وأشار: "هو فيه برنامج فى العالم اسمه اوضة اللبس وكمان برنامج محدش بيتفرج عليه أصلا ومش بيحقق نسبة مشاهدة وميدو مش لاقى حاجة غير إنه يهاجم نجوم الكرة علشان برنامجه ياخد شهرة ويطلع تريند".
