كشف ياسر ريان لاعب النادى الأهلى الاسبق عن كواليس انتقاله، الى صفوف الاحمر من نادى المنصورة.
ووصف ياسر ريان هذه المفاوضات وهذا الانتقال، بأنه كان انتقال مثير .
وقال ياسر ريان : دخل الزمالك والاهلى فى مفاوضات لضمى ،لقيت المهندس عدلى القيعى بيكلمنى وقالى تلعب فى الأهلى قولتله طبعا.
وواصل : قالى هنتقابل فى طنطا عند السيد البدوى فى كشك هناك بتاع حلويات استنانى هناك، روحت لقيت عند السيد البدوى 50 كشك حلويات بقيت مش عارف اعمل أيه ومفيش تليفونات ولا أى حاجة، لحد ماشوفته جاى هو والمهندس إبراهيم المعلم.
وأضاف : مسئولى الزمالك رفعوا العرض للمنصورة فقرر عدلى القيعى أن يخفينى عن الأنظار تماماً.
واستكمل : بالفعل نمت عند عدلى القيعى فى البيت يومها وقدم الأهلى عرضاً للمنصورة مقابل 350 ألف جنيه وتنازلت عن 30 ألف جنيه مستحقاتى للمنصورة .
وأتم : وقعت فى بيت الراحل صالح سليم اللى فى الزمالك.
وتبقى كلمه : بس خلاص .
