شن حارس مرمى الاهلى الاسبق أحمد شوبير هجوم لاذع على الاداره الحمراء، قائلاً: "أول مرة أشوف جمهور الأهلى مرعوب من القمة قبل اللقاء".
وأضاف: "أول مرة ده يحصل، وشوفت كمان نغمة تحفيل على المنابر الرسمية للنادى غير مقبولة وعشان كدا لازم تستحملوا رد أمير مرتضى منصور على التحفيل بتاعكو".
وأشار: "الأعذار غير مقبولة من الأهلى، لازم يصلحوا الأخطاء ويوقفوا مع نفسهم وقفة قبل البطولة الأفريقية التى لم يقبل الجمهور خسارتها، وكمان فيه فوازير مش فاهماها فى الفريق".
وشدد: "بادجى نجم الأهلى فى القمة لاعب رائع فى ألعاب الهواء وأزعج دفاع الزمالك، أحمد فتحى معرفش لماذا لا نستفيد منه حتى نهاية عقده".
وتابع: "فايلر دفع بيه بديل طب ليه منزلش من الأول وهو اللاعب الأكثر خبرة فى صفوف الأهلى بسبب مشاركته فى كل البطولات التى يمكن تخيلها".
وواصل: "مش آن الأوان أن فايلر يفتح صفحة جديدة مع صالح جمعة وينزله التدريب، لأن العند بيورث الكفر، أجاى فى أسوأ حالاته لا يصنع ولا يسجل تشعر كأنه فى غيبوبة كروية".
وأكد: " ديانج مهتز منذ عودة الدورى وقبل توقف المسابقة كان الأفضل بلامنازع، جيرالدو كان مميز رغم الإصابة، وليد سليمان أهدر فرصة غريبة ارتدت بهدف فى شباك الأهلى".
وأكمل: "فايلر لم يحسن إدارة المباراة، اعتمد على الكرات العالية وهو أسلوب قديم للغاية وغابت الجمل التكتيكية عن الفريق".
واستطرد: "إزاى لاعب مهم زى حسين الشحات تعاقد معه الأهلى مقابل 90 مليون جنيه يغيب عن الفريق طوال هذه المدة رغم أنه كان ممكن يجرى جراحة الفتاق فى فترة توقف الدورى حتى لا يخسر الفريق جهوده فى مباريات مهمة تعادل مثلا خسارة 10 ملايين جنيه من عقده بما يمثل إهدار مال عام غير مفهوم فى النادى ولازم يكون فيه نظام".
وشدد: "بلاش شعارات فارغة، نقعد نتكلم نقول الأهلى مش بيقف على حد وإحنا لسه بنتكلم فى قصة رمضان صبحى ورحيله".
وأشار: "ما يمشى عادى جدا، ليه نهاجمه هذا غير مقبول، وكمان بقول بلاش كلام عن السحر عشان ده كلام فارغ".
