أرجع أيمن يونس، نجم الزمالك ومنتخب مصر الأسبق، أسباب أزمة محمود عبد المنعم كهربا لاعب الأهلى الأخيرة لغياب عدة أمور عن اللاعب.
وقال يونس فى تصريحات له : كهربا لحد دلوقتى مش فاهم أنه لاعب مهم فى منتخب مصر، ومش فاهم حدود الحرية إيه.
وتابع : ولا فاهم يعنى إيه تكون عنصر فى فريق كامل، بمعنى أن تكون بمثابة ترس فى ماكينة لابد أن يلتزم بدوره، كهربا فى كل الأندية التى لعب لها لم يعرف هذه المعانى.
واوضح : كهربا مش فاهم إن فى ناس بتحبه وبتزعل من تصرفاته، لازم كهربا يفهم يعنى إيه فريق، يعنى إيه حرية عشان تنضبط تصرفاته ويعود لاعب مؤثر فنياً وسلوكياً .
ومازالت تبعات أزمة كهربا بالامس فى النادى الاهلى ، تلقى بظلالها على الاهلى .
