أكد أحمد حسن، كابتن منتخب مصر الاسبق، أنه لا بد من البحث عن كأس أفريقيا المفقود، كاس الامم 2010.
وقال أحمد حسن فى تصريحاته : أشعر بالحزن من كابتن أحمد شوبير، لأنه زج باسمى وكأنى متورط فى سرقة كأس أفريقيا.
وتابع : على الأقل كان كلمنى فى التليفون قبل ما يجيب اسمي في القصة دي، وبقالنا سنين طويلة محدش أصلا اتكلم في القصة دي خالص، وليه محدش اتكلم عن الأزمة دي غير دلوقتى؟ .
وأضاف : أكيد كل مجلس من المجالس اللي مسكت الاتحاد بيعمل جرد وبيشوف وبيعرف اللي موجود عنده، مش معقول إنهم اتفاجأوا دلوقتى.
وواصل : على الأقل في محاضر بالكلام ده، ويا كابتن أحمد شوبير لاقيت اسمي جه في الموضوع كلمنى، ولو فى تصفية حسابات بين المجالس وبعضها ميكونش على حساب الناس، أنا علاقتى إيه بالموضوع .
