أكد الإعلامى أحمد شوبير أن حريق اتحاد الكرة فى العام 2013 برىء من واقعة اختفاء كؤوس المنتخب الوطنى.
وقال شوبير فى برنامجه الاذاعى، أنه سوف يفتح ملف المخازن ومحاضر مجالس الجبلاية والأرشيف خلال الفترة المقبلة.
وتابع شوبير تصريحاته : بعض الناس خارجين يتهمونى ويقولولى بتتكلم دلوقتى ليه، بقولهم بتكلم عشان فى إهمال وأنا مجبتش سيرة حد أنا منتظر تحقيقات الوزير اللى هيعملها انهارده وهيعلن نتيجتها.
وأضاف : الكؤوس اللى اتسرقت وقت الحريق رجعت واللى عايز التفاصيل أقوله بالأسماء، وأنا لسه مفتحتش موضوع المخازن لكن هتكلم فيه ودون تجاوز، هقول كل اللى حصل بالصح وبالحق.
وواصل : مدير الاتحاد وأعضاء مجلس سابقين بيتهمونى ويهاجموا لجنة خماسية جاية تحط نظام بعد عصر السبهللة اللى كان فيه اتحاد الكرة، وعلى فكرة السنة الجاية مئوية اتحاد الكرة الذى تم تأسيسه فى 1921 أراهن أى مسئول لو تم التوصل لأى شريط فيديو لمنتخب مصر حتى فى كأس العالم 90 مش هقول قبل كدا، هيجروا على سمير عدلى يبعتلهم لقطات .
واشار شوبير الى أن اتحاد الكرة لا يملك أرشيف كامل لمحاضر مجالس الإدارة، لانها لا تكتب من الأساس لأنها لا تعرض على الوزارة، واللى شايف كلامى غلط يطلع يرد ويتحدانى وهيقولوا الربع اللى فاضل اتحرق فى الطوفان، ما هو الحريق هو المنقذ لكل أزمة دلوقتى مع أن الكؤوس لا تحرق.
وواصل شوبير انتقاده لما حدث قائلاً : كل طالع دلوقتى يقول أنا رجعت كاسين بمجهودى الشخصى، طب أنا روحت المخازن وخزنت اللبس بأيدى ومنعت أعضاء المجلس من الحضور على شورت وفانلة وكاب، وعملت بار كود لكل شاردة وواردة باتحاد الكرة للعمل بنظام الترقيم ولم يكلف خزينة اتحاد الكرة سوى مبلغ ضئيل للغاية، وقعت ستة أشهر فى اتحاد الكرة لم أوقع على محضر واحد .
