هاجم الاعلامى أحمد شوبير رمضان صبحي المنضم حديثاً إلى بيراميدز تصريحات اللاعب خلال تقديمه فى المؤتمر.
وقال شوبير خلال تصريحاته: "لا أحد يستطيع أن يصادر على حقك في الرحيل إلى أي نادى ده مستقبلك وإنت اللي بتقرر يمشي إزاي".
وأضاف: " ولكن دي نصيحة مني ليك، يارمضان ماتخسرش أي جمهور الفترة الجاية خصوصا إن عندك في بيراميدز مش هتلاقي جمهور يساندك" .
وتابع: " حوارك في إنك رايح علشان تحقق بطولات مش منطقي لإنك كنت في النادي الأهلي، فإنت رايح علشان الفلوس والأمر مادي بحت".
وواصل: "وده كلام عادي مايزعلش فيتقال عادي من غير كسوف مادام بتتكلم في إحتراف يبقى نكمل للآخر إحتراف".
وأكمل: " فالأمر إحتراف وإنتهى وسبحان الله في نفس توقيت التقديم طاهر صفقة الأهلي الجديدة سجل هدف عالمي".
وأتم: "دي خطوة إنت شايفها صح، خلاص إتصرف على هذا الأساس مطلوب منك إنك تكون إضافة لفريقك وللمنتخب ومطلوب منك جهد كبير الفترة الجاية في مشوارك بكرة القدم".