علق الاعلامى خالد الغندور على توقيع الفرنسي باتريس كارتيرون مدرب الزمالك السابق، لنادى التعاون السعودى.
وقال خالد الغندور خلال تقديمه برنامج "زملكاوى" : كان عندى حب استطلاع أعرف مين النادى الى مضى ليه كارتيرون وبكام.
وتابع : وكيله بلغه إمبارح أنه عنده عرض من التعاون وقاله هتاخد 3 شهور مقدما + الشرط الجزائى مع الزمالك يعنى هياخد 800 ألف دولار.
وواصل : وبعدين هو نادى التعاون مش عامل حساب الزمالك ولا عامل حساب لجماهيره وخلاص مفيش مدربين في العالم إلا في نادى الزمالك.
وأضاف : دا ينفع يتعمل يا تعاون دا الزمالك اداك مصطفى فتحى، خلاص مش فارق معاك العلاقات مع الزمالك.
وأوضح : الزمالك عرض على كارتيرون يدفعله قد العرض اللى جاله بس طبعا مكناش نعرف أنه 450 ألف دولار قيمة تعاقده مع التعاون وطبعا مكناش هنديله الفلوس دى.
واستطرد الغندرو : نادى الزمالك هو اللى بيعلى كل االلى فيه، أنا كنت لاعب في الزمالك وحاليا أكل عيشى من خير الزمالك، وكذلك مرتضى منصور استفاد من وجوده في الزمالك لأنه رئيس لـ50 مليون زملكاوى.
واختتم خالد الغندور : هناك مدرب أجنبى هيمسك الزمالك خلال 3 او 4 أيام بالكتير على أعلى مستوى وعندنا أحسن لاعيبه في أفريقيا.