أكد حازم إمام، نجم الزمالك ومنتخب مصر الأسبق، أن إعلان الفرنسى باتريس كارتيرون، أن سبب رحيله عن تدريب الزمالك هو عدم شعوره بالراحة أمر غير مقبول تماماً.
وقال حازم فى تصريحات له فى برنامجه الاذاعى : يعنى كارتيرون يقول أنا مش مبسوط ومش مرتاح ومش عايز أكمل فى الزمالك عشان كدا، مشيت، وتانى يوم يعلن تعاقده مع التعاون السعودى.
وواصل : ماتقول جايلى عرض مادي أفضل من الزمالك ،مفيهاش حاجة إنما ليه الأسلوب ده والطريقة الغامضة دى .
وانتقل للحديث عن نادى التعاون السعودى ،حيث قال : كمان تصرف نادى التعاون السعودى مش كويس خالص، إزاى أخد مدرب متعاقد مع فريق آخر، خاصة أن الزمالك مش نادى قليل وليه جماهير كبيرة .
وواصل : الفترة دى محتاجة دور مهم من اللاعبين خاصة الكبار، يلموا الفرقة ويكسبوا ماتشين يرجعوا الثقة للجمهور.
واتم : طبعا الدنيا مش هتقف على كارتيرون والزمالك هيعدى الأزمة وهيبقى أفضل كمان.