تحدث أحمد كشرى المدير الفنى لأسوان على فوز فريقه التاريخى الليلة على الزمالك فى الدورى بهدف للاشئ.
كشرى تحدث قائلا: مكسب تاريخي لنادي اسوان في القاهرة،و انا جاي بلعب على مكسب ، و عندي ثقة في اللاعيبة بتاعتي ، و بهدي الفوز ده لكل جماهير اسوان.
وتابع: اشتغلنا على المباراة كويس و حضرناها كويس ، و فرصنا كانت اخطر على نادي الزمالك ، انا دارس نادي الزمالك كويس ، و عارف لو خسران هايلعب ازاي ، و وصلنا بأكتر من هجمة ، و نادي الزمالك نادي كبير ، و الحمد لله ربنا وفقنا.
وواصل قائلا: مصر كلها حافظة فرقة نادي الزمالك في فترة كارتيرون ، و عند مجئ مدرب جديد اللي هو طارق يحيي ، انا كنت مثبت التشكيل ، و اشتغلت على نقط ضعف اللاعيبة في نادي الزمالك ، و نجحنا في ده الحمد لله ، انا بحلم ان احنا نقعد في الدوري الممتاز ، و لسه الوضع خطر لحد دلوقتي و الموقف صعب ، و هانفضل نحارب على المباريات الجاية
وخسر الزمالك الليلة بشكل مفاجئ أمام أسوان بهدف للاشئ فى الدورى.
هذا الفوز الذى يعتبر الأول لأسوان على حساب الزمالك فى التاريخ، وأيضا الفوز الذى منح الأهلى لقب الدورى