بكل شماته مدير التعاقدات الأسبق بالاهلى هيثم عرابي يؤكد أن ما حدث مؤخراً مع مرتضى منصور رئيس النادى نتيجة أفعاله السابقة وتعديه المتكرر على الآخرين.
وقال خلال تصريحاته: " رئيس نادي الزمالك هو المشكلة الحقيقة، وخلينا نتفق ان نادي الزمالك حاجة ورئيسة حاجة تاني خالص".
وأضاف: "فيه ناس بتحاول تصور للجمهور فى الإعلام ان اللى بيحصل حرب على نادي الزمالك، الزمالك اكبر من كل اللى بيحصل والنادي عمره مايتهد".
وأشار: "الزمالك ليه اسم كبير جدًا، مين اللى هيحاربة؟، ده الوزير زملكاوي، والناس اللى ماسكة الكورة فى مصر زملكاوية".
وتابع: " واللى ماسك اتحاد الكرة زملكاوي، والناس اللى فى الإعلام زملكاوية".
ووجه حديث لمنصور قائلاً: "انت أذيت ناس كتير نفسيًا ومعنويًا، وأنا مش هنسي حالة ابويا وامي لما كان بيطلع فى التليفزيون يقولى يا تخين كل شوية".
وأكد: "الزمالك نفسه معملش اى حاجة ومطلعش شتم حد، او غلط في عرض حد، او طلع غلط في حد، والزمالك يستحق أفضل من كده بكتير، وبقول لرئيس نادي الزمالك من أعمالكم سلط عليكم".
وأتم: "اللى بيحصل حاليا هو ده اللى حق اللى ناس كتير فضلت ساكتة عليه، ورئيس نادي الزمالك استغل القناة للدعاية عن الانتخابات، ومستحيل ده يحصل فى الأهلي".
