قام طارق السيد نجم الفريق الاول الكروى بالنادى الاسبق بالهجوم على مهاجم الفريق الحالى مصطفي محمد.
وجاء ذلك عقب تمرد مهاجم الزمالك على النادي وغيابه عن التدريبات للاحتراف في الدوري الفرنسي.
وقال خلال تصريحاته: "معنديش أي مشكلة أن مصطفى محمد عايز يمشي ويحترف وكمهاجم هو أستوى وبقى لاعب مهم وجايله عرض كويس من الدوري الفرنسي".
وأضاف: "بس انت عندك أولمبياد وممكن سعرك يتضاعف، ليه عايز تحرم الزمالك من الاستفادة المالية؟ ماهو لازم النادي يدور على مصلحته زي ما انت كمان بتبص لمصلحتك".
وأكمل: "الجيل الحالي لم يحقق بطولة دوري بإستثناء طارق حامد وشيكابالا وحازم إمام، معرفش بقى بيعملوا كده ليه انا عارف ان هما بيحبوا الزمالك بس لو خدوا دوري وأفريقيا هيعملوا فينا إيه؟، أنا فضلت 6 سنين في الزمالك باخد 30 الف جنيه رغم أنني تلقيت عروض للاحتراف ورفضتها".
وتابع: "احترم عقدك مع الزمالك يا مصطفى، أنت مضيت بالفلوس دي وكنت فرحان، والإدارة اتكلمت معاك وقالتلك اقعد وهنفذ طلباتك وهنعدل عقدك واحترف بعد الأولمبياد، ليه بقى مصمم تدبح الزمالك".
واتم: "اللي مش عاجبه يمشي، الزمالك فريق كبير من غير مصطفى محمد وهيكسب سموحة اليوم من غيره ، عشان الكل يعرف الزمالك مبيقفش على حد مهما كان هو مين".
