طالب مدرب ولاعب الفريق الاول الكروى الاسبق مؤمن سليمان، مسؤلو النادى بمنح الفرصة لمصطفى محمد بالاحتراف الخارجى.
وشدد خلال تصريحاته: "على ضرورة عدم تمديد تعاقد التونسى فرجانى ساسى لاعب خط وسط الفارس الأبيض".
وقال: "عجبنى جدا مباراة سموحة الأخيرة مع الزمالك خاصة مستوى محمد عبد الغنى ومحمود الونش وفتوح وحسين فيصل، عملوا ماتش رائع".
وتابع: "زيزو قلقنى، شعرت أنه مش مركز ودماغه مشغولة وياريت يرجع زى الأول".
وأشار: "طالما مصطفي محمد جاب عرض بأربعة ملايين يورو يبقى نسيبه يحترف، العرض مش هيتكرر وكمان الولد لازم يخرج للاحتراف فى سن صغيرة".
وأضاف: " سمعت ان فرجانى ساسي طلب 2 مليون يورو لتمديد تعاقده ودا رقم كبير جدا ومفيش لاعب فى الدورى المصرى يلعب بالمبلغ دا، مستواه الفنى لا غبار عليه ودوره مع الزمالك كبير مفيهاش كلام بس الدورى المصرى ميستحقش رقم زى دا".
