شن عدلى القيعى مستشار مجلس ادارة النادى الاهلى، هجون عنيف على اتحاد الكرة المصرى ولجنته الثلاثية التى تديره برئاسة احمد مجاهد.
جاء هذا الهجوم بسبب التعديل المستمر فى جدول الدورى العام، بما يوافق رغبة الجميع فى انهاء الدورى العام مبكراً نوعاً ما.
وفى تصريحات تلفزيونية له قال القيعى : ما يحدث مع الاهلى امر غير مقبول ، الكيل طفح خلاص.
وواصل : ايه اللى بيحصل دا، مصالح متضاربة، وأشياء ضد الاهلى تحدث، هو فيه ايه، انتم كدا بتقتلوا الكرة المصرية.
وأضاف : كل ما حد يكلمنا يقولنا القائمة 30 لاعب، ونسيوا الاصابات والايقافات والحالة الفنية لكل لاعب.
واوضح : الجبلايه خالفت كل اللوائح، بلعب مباريات فى فترة التوقف الدولى، علشان حسام البدرى قال مش عايز مباريات ودية فيها، والنتيجة 4 لاعبين اساسيين سيتم استدعائهم ومش هيبقوا معانا .
واتم : واضح ان فى حاجة حاصلة، مش شايفينها، وهل هناك اتجاه لخصخصة كرة القدم، وواحد بس اللى يحركها ومفيش بقى لوائح ولا قوانين.
وتبقى كلمة بعيده عن اى شيء هى مجرد دعابة : ياجماعة اهدوا .. دا انتم واكلين شاربين طابخين كل حاجة مع بعض.
