أكد الاعلامى خالد الغندور، المذيع بقناة النادى الرسميه، ان سبب من اسباب تألق فرجانى ساسى مع الزمالك طيلة الفترة الماضية هو طارق حامد لاعب خط وسط الفريق.
وتابع فى تصريحات له : طارق حامد حاله خاصة كداً، واى لاعب بيلعب جنبة لازم يتالق.
واوضح : خير دليل على كلامى هذا هو امام عاشور، والذى حين شارك مكان ساسى وبجوار طارق حامد تالق، حيث ان وجود طارق يعطى الامان للاعب الذى يلعب بجواره.
وعن موقف ساسى الاخير قال الغندور، موقفه بيزيد غموض، يوم بعد يوم، ولحد دلوقتى هو متكلمش انه هيرجع بعد نهاية معسكر منتخب بلاده.
وواصل : هو اتكلم مع كارتيرون، وقاله انه مصاب وهيحتاج علاج لمدة 10 ايام.
وانتقد الغندور موقف ساسى قائلاً : الوضع مازال غامض، ودا ميصحش من لاعب كبير، لازم يحسم موقفه بشأن مستقبله، احتراماً لجماهير الزمالك.
واتم : الفريق مش هيتاثر برحيله، لان الزمالك هو من يصنع النجوم، ولو قرر الرحيل هيتم توجيه الشكر له.
