علق أحمد سمير فرج، لاعب الإسماعيلى والزمالك السابق، على استبعاد أحمد عبد القادر لاعب الأهلى المعار إلى سموحة من قائمة المنتخب الأولمبى التى ستخوض دورة الألعاب الأولمبية فى طوكيو.
حيث اعتبر أحمد سمير فرج أن قرار الاستبعاد سليم وكتب عبر تويتر قائلا: أحمد عبد القادر لاعب سموحة لاعب كويس جداً جداً بس معظم الناس كاتبه إنه إزاي مش رايح مع المنتخب طوكيو التجربة الأخيرة والأولى مع المنتخب ضد جنوب أفريقيا ليه تحس اللاعب مكسوف وأداؤه مكانش كويس خالص باين أوي إنه محتاج وقت عشان ياخد على اللعب الدولى وده مش عيب نهائي لو كان راح كان هيكون مكان واحد من إبراهيم عادل أو رمضان صبحي أو ناصر ماهر، أو صلاح محسن أو عبد الرحمن مجدي أنا شايف إن كابتن شوقي قراره سليم".
وفى المقابل وعبر تلك التغريدة رد أحمد عبد القادر قائلا: محدش طلب تحليلك لأدائى يا كابتن، وبدعى للمنتخب والله من قلبي إنه يعمل حاجة كويسة".
يذكر أن شوقى غريب أعلن بالأمس قائمة المنتخب الأولمبى التى شهدت استبعاد أحمد عبد القادر من القائمة رغم تألقه مع سموحة.
