فى تصريحات تلفزيونيه له الان على قناة أون تايم سبورت.
أكد حسين لبيب رئيس اللجنه المكلفه بادارة النادى فى هذه الاثناء، أن اللجنه الحاليه تحاول تطبيق عدد من الافكار الجديده، لمساعدة النادي واستغلال موارده.
هذه الافكار مثل فكرة دعم النادي عن طريق حساب بنكي، بدلاً من تذاكر المباريات لأن المباريات بدون جماهير، فبدل التذكرة اللي ب٥٠جنيه فكرنا نفتح حساب دعم للنادي وممكن يتحط فيه ثمن التذكرة.
وتابع : أخدنا موافقة من الجهة الإدارية على هذا الامر لأننا نادي حكومي، ومش هتكلم في أى أرقام دخلت الحساب، بس اللي اقدر اقوله أن الفكرة ناجحة جداً ومش شرط المبلغ يكون كبير.
وأكمل تصريحاته فى هذه النقطة : مصادرنا مش اشتراكات النادي فقط في افكار تانية كتير مش هنتكلم فيها دلوقتي.
وواصل لبيب تصريحاته : التوقيت اللي اللجنة دخلت فيه النادي توقيت لذيذ جداً، كنا بنهاية موسم العاب الصالات وبيتم تشكيل جهاز فني جديد، فكنا لازم ناخد قرارات سريعة ونتفاعل مع الأمور.
وأضاف : الملف المالي فى النادى، المسئول عنه محمد الاتربي وهاني برزي وعمرو أدهم، وفى الحقيقه عملوا مجهود خرافي بكل إمانة وهما بيحبوا الزمالك بجد، وأحنا كلنا بنخدم الزمالك، والكيان الأبيض رقم واحد.
وعن الفترة القادمة وماذا سيحدث فيها قال حسين لبيب : في خطة طويلة الأجل وفيها أمرين نادي السادس من أكتوبر و شركة الكرة.
واوضح : بالنسبة لفرع السادس من أكتوبر، مجلس المستشار مرتضى منصور دفع المستحقات بالكامل، لكن كان يجب بناء نسبة معينه لذلك تم سحب الأرض، وحاليا في تواصل مع الجهات المسئولة لحل الأمر وبإذن الله الموضوع في طريقة للحل.
واستكمل : ثاني أمر شركة الكرة، بدأنا بالفعل في بداية الفكرة دي، وبنحاول نتكلم في التسويق، لأن نادي الزمالك مش واخد حقة خالص في التسويق، وقبل بداية الموسم في أخبار كويسة جدا بخصوص التسويق.
