فى متابعه لتصريحات حسين لبيب رئيس اللجنه المكلفه بادارة النادى فى هذه الاثناء.
أكد حسين لبيب رئيس اللجنه المكلفه بادارة النادى، انه يعلم جيداً ان أشرف بن شرقي وملف تجديده مع النادى، هو الشغل الشاغل لجماهير نادي الزمالك فى الوقت الحالى.
واوضح : نحن كلجنه نختار التوقيت الافضل والأمثل لفتح المفاوضات مع اللاعب، أول ما أشرف بن شرقي رجع من سفره كان في جلسة شهدت حضور حسين السمري وفاروق جعفر واللاعب والمستشار الخاص به.
واستكمل توضيحه : تم الاتفاق على البنود العريضة وكل الارقام اللي بتتقال بخصوص المقابل المادي غير صحيح، اتذكر في الجلسة بعض الارقام لكن مش النهائية.
واضاف : في نهاية الجلسة اتفقنا أننا هنفكر خلال أسبوع في الارقام اللي اتقالت، ثم نعقد جلسة أخرى نهائية للحديث في الارقام مش هتاخد ربع ساعة.
وأتم تصريحاته فى هذه النقطة : بقول لجمهور نادي الزمالك، أي لاعب حابب يكمل مع النادي هنتعاقد معاه، أنا بتكلم عموما على أي لاعب، وشغلنى الشاغل الفريق الكروي وتجديد التعاقدات.
وتطرق للحديث عن ملف الصفقات الجديده حيث قال : لازم نرضي اللي جوه البيت اللي هو الفريق ونقعد معاهم وبعدين نشوف اللي بره البيت ونتعاقد معاه.
