تساءل سامح سونى المرشح الاسبق فى انتخابات النادى على مقعد العضو تحت السن، بشأن مجلس الزمالك الحالى برئاسه حسين لبيب.
ونشر عبر صفحته الرسميه على موقع التواصل الاجتماعى "فيس بوك":
وكتب: صباح الفل وبهدوء ، جماعة احنا مش بنتخانق على ورث!
ياريت اللي بيدعم القائمين على إدارة النادي شايف فيهم ايه احنا مش شايفينه!؟
أنا مش فاهم ايه المانع ان اللي يفشل يقول شكراً واسمحولي أنا مش عارف أنجح ويتفضل ده عمل عام يا جماعة لكن كيان عظيم يتحرق دم جماهيره اللي بالملايين بالشكل ده حاجة غريبة الصراحة!
أنا مش هتكلم عن السلبيات لأن كلنا شايفنها وعارفينها وبنتصَّبح عليها كل يوم ياراجل منزل انتقال "دونجا" على صفحة النادي الساعة ٣ الفجر ولا اكن اللي سارق سريقه!
يا جماعة حضراتكم مش فاضيين اللي عنده مصنعه واللي عنده انتخابات واللي عنده مشكلة واللي شغال مراسل يا جماعة عيب انتقصتوا من قيمة وقدر ومكانة الكرسي والأمانة اللي الناس حملتكوا بها ووثقت فيكم!
استقيلوا يرحمكم الله.
