علق هشام يكن نجم نادي الزمالك السابق على الحديث عن التبرعات لنادي الزمالك
وتحدث عن ما يحتاجه نادي الزمالك فعلياً للخروج من أزماته الحالية
كتب هشام يكن من خلال حسابه على موقع التواصل الاجتماعي فيسبوك تحدث قائلاً نصا:
من الحاجات المستفزة فعلا اللي بشوفها من بعض الناس لما ييجي يكلمك يقولك انت اتبرعت بكام للنادي ودفعت كام والحاجات طبعا دي عقلية مش فاهمة قيمة الزمالك
الزمالك حضرتك براند يصرف على بلد مش محتاج تبرعات محتاج رجالة ومحتاج ناس فاهمة وعارفة قيمته تعرف تسوق وتعرف تجيب فلوس وتعمل مشاريع تضيف وتفيد النادي مش تقعد على المصاطب وتقول يلا نتبرع وانت ادفع وانت ادفع الزمالك مش جمعية خيرية الزمالك نادي رياضي وكيان رياضي عظيم وكبير جدا جدا اللي مش عارف يدور النادي وقيمته يتفضل ويسيب اللي فاهم وعارف يشتغل
انا دخلت النادي فلوس وانا خارج اي منصب او شغل والناس تشهد يا جماعة الزمالك يقدر يكون كيان اقتصادي انت بايع لعيبة بملايين واخد ارض بملايين واشتراكات اعضاء وفوز في بطولات من صالات وقدم كل ده وتقولي تبرعات احنا هنهزر يا جماعة
ممكن تجمع في اضيق الظروف حد يمول صفقة، انما مش كل ما تزنق اتبرعو اتبرعو ده لوحده يوقع اسم وهيبة الزمالك وقيمة عقود الرعاية كمان بجد الواحد فعلاً جايب اخره
وعايز اقولك اللي بيدفع جنية وملوش مصلحة بياخده عشرة، لما ياخد قدمها خدمة أضعاف ما دفع، العفي محدش بيكسر عينه
