علق محمود جهاد لاعب وسط الفريق الأول لكرة القدم بنادي الزمالك على إصابته من جديد خلال مباراة بترول اسيوط الأخيرة في الدوري
المباراة التي حقق فيها فريق نادي الزمالك للفوز بهدف نظيف على ملعب استاد برج العرب بالإسكندرية
كتب محمود جهاد من خلال حسابه على موقع التواصل الاجتماعي انستجرام قائلاً
بسم الله الرحمن الرحيم
حابب أوضح حاجة للناس وخاصة جمهور الزمالك الكبير.
أولًا الإصابات دي نصيب من عند ربنا، وأنا دايمًا بشتغل مهما حصل ومش زعلان ولا بتأثر، ومش لازم أطلع أقول أنا بعمل إيه، كلام يخليني كويس لأن ده الطبيعي وده شغلي. اللي حصل النهارده طبيعي يحصل بعد فترة غياب سنة كاملة، وأنا تمام مافيش إصابة زي الأول ولا حاجة، كلها حاجات طبيعية تحصل والحمد لله هفضل مكمل، وثقتي في ربنا أكبر من أي حاجة ومهما يحصل هفضل برضو وكل...
وأنا مش بخاف على نفسي أو مكسل أدي للنادي الكبير اللي أنا أشرف إني ألبس التيشيرت بتاعه بالعكس ربنا وحده اللي عارف أنا بعمل إيه ومش خايف خالص، بس يبقى حريص شوية لأن أول مرة يحصللي إصابات كده.
ثانيًا الجهاز الفني والجهاز الطبي الناس كلها ماحدش قصر معايا، الناس كلها بتساعدني بأقصى حاجة عندها.
ثالثًا وأخيرًا
النقد الفني طبيعي وبيبقى مقبول وبيعلّم الواحد، لكن التريقة والأسف على حاجة بإيد ربنا دي تفاهة وجهل، لأن كل حاجة من عند ربنا.
شكرًا أنا حبيت أوضح لأني من أول ما لبست تيشيرت الزمالك عمري ما طلعت وضحت لأني ما بحبش أتكلم في حاجة زي دي كتير.
شكرًا ليكم
